lunes, 24 de septiembre de 2012

Cartel do Día da Biblioteca

Boas! Aquí á esquerda tedes o cartel conmemorativo para este curso do Mes da Biblioteca Escolar (Outubro) e o Día da Biblioteca Escolar (24 de outubro). A ilustración e do galego Andrés Meixide e baixo o lema " Biblioteca escolar, acelerador de innovación" preténdese transmitir a idea dunha biblioteca activa e dinamizadora dos centros escolares.

miércoles, 19 de septiembre de 2012

Chegando ao mes da Biblioteca...

O mes de outubro é o mes da Biblioteca. Para que vaiades collendo conciencia da importancia das bibliotecas públicas colgámosvos este "spot" publicitario. Vale a pena.

lunes, 17 de septiembre de 2012

Proxecto da Biblioteca

Como ben anunciamos a semana pasada o Proxecto da Biblioteca para este curso será a Interculturalidade. Moitas serán as actividades e actuacións a realizar, sería moi difícil explicar todo aquí, así que é máis sinxelo subir o proxecto enteiro para que o poidas ler.
Preme aquí para descargalo.

viernes, 14 de septiembre de 2012

Adeus Rodari, benvida Interculturalidade

Sen dúbida Rodari fíxonos pasar moi bos ratos o curso pasado. A través das súas historias aprendimos unha chea de cousas, pero toca pasar páxina e comezar con novas aventuras.
Os máis observadores xa se decatarían da desaparición das imaxes de Rodari do blogue; no seu lugar aparece outra que ilustra o proxecto deste curso, A INTERCULTURALIDADE.


miércoles, 12 de septiembre de 2012

Comezou o curso!!

Na mañá de hoxe o cole "recobrou a vida" coa chegada de todos os nenos e nenas.
Como anunciamos onte, os que visitan o blogue son os primeiros en enterarse de que este curso o Proxecto da Biblioteca tratará a "Interculturalidade". Desta forma os nenos e nenas do colexio saberán máis do que é vida noutras culturas.
Esperamos que vos guste e que resulte interesante para todos.

Aquí vos deixamos un vídeo de benvida!


martes, 11 de septiembre de 2012

Comeza un novo curso

Xa quedan moi pouquiñas horas para ver de novo os corredores cheos de nenos. Dende o equipo de Biblioteca queremos dar a benvida a todos os alumnos do Ceip San Tomé a este curso 2012-2013.
Os máis observadores xa apreciarían algún que outro cambio no blogue: novas cores, nova imaxe, novas funcións... Esperamos que vos guste!!

Durante estes días iremos publicando novas interesantes para todos vós; como o tema do Proxecto da Biblioteca deste curso e algunha das actividades que levaremos a cabo.

Se queredes ser os primeiros en enterarvos, entrade no blogue a diario.